لأول مره ف مصر التاكسى الطائر

لأول مرة فى مصر التاكسى الطائر

بجد بجد الحكومة هتريح الناس جدا بدل زحمة المواصلات والاتوبيسات

والدوشة دى كلها هيوفروا لينا وسيلة نقل بالطيران

ايه الحلاوة دى ايه رأيكم ياجماعة فى الكلام ده

بس علشان محدش يقول ان الحكومة وحشة .

الخبر بالتفصيل :

رغم أن الفكرة تبدو مفرطة في التفاؤل للوهلة الأولى إلا أنها على وشك
التحقق بالفعل، حيث صرح وائل المعداوى رئيس شركة سمارت للطيران بأنه تم
التعاقد على 5 طائرات تربو مروحية للعمل كـ(تاكسى طائر) للتغلب على زحام
الشوارع فى مصر.
وقال المعداوى فى لقاءه مع برنامج صباح الخير يا مصر بالتليفزيون المصرى
الاثنين أن شركة سمارت هى أول شركة طيران للتاكسى الطائر فى مصر وقد وضعت
استراتيجية لتوفير (تاكسى طائر) للتنقل بين المحافظات بنفس تكلفة الأتوبيس
العادى.
وأشار المعداوى إلى انه سيتم تجهيز طائرتين للعمل كطائرات إسعاف لإضافة
نشاط جديد ضمن أنشطة الشركة، لافتاً أن الشركة ايضاً بصدد إبرام اتفاق مع
وزارة الكهرباء لتخصيص طائرات تقوم بغسل الأبراج الكهربائية، كما تبحث
الشركة مع وزارة الداخلية استخدام الطائرات فى إطفاء حرائق الأبراج
العالية.
وأضاف المعداوي أن الشركة تعاقدت على 5 طائرات تربو مروحية تعد الأحدث من
نوعها على مستوى العالم من حيث تكنولوجيا التشغيل والخدمات والامكانيات
المتاحة للراكب .
وقال المعداوي : " طائرات التربو تتميز بأن بها مراوح على المحرك لتقليل
استهلاك الوقود ويمكنها الانطلاق من مطار القاهرة أو أية نقطة إقلاع مباشرة
إلى العديد من النقاط البعيدة دون الحاجة إلى إعادة التزويد بالوقود" .

عمار يا مصر

ما احنا بنعرف نفكر اهو

و بنحل مشكلة المواطن

لا سمح الله حد يقدر يقول علي الحكومة وحشة

و جاري تنفيذه امتي

تسلمي ايس علي الخبر

ماهى المشكله ان احنا بنعرف نفكر بس فين الامكانيات اللى المفروض تتوفر عشان نعرف ننفذ بقى
ولا ايه؟
امتى دى بقى يا نودى مش انا اللى اقولها كلنا عارفين ان الحكومه بتاعتنا تنفر الروتين نفرا عظيما امااال؟؟ وكل حاجه ماشيه بسرعه الصاروخ

نورتى الموضوع نودى
اسعدنى تواجدك

لو علي الحكومة يومها بسنة

علي رايك الروتين

و ااااااه من الروتين و تعقيداته

يدينا و يديكي طول العمر

اها علينا احنا نفكر
بس الامكانيات بقى بره ما هى دى المشكلة
اننا بنفكر وغيرنا بيستفيد
تسلم ايدك ايس على التوبيك

الحمد لله مصر بخير
وبجد موضوع جميل
وعلى فكرة مصر بتتطور جامد قوي في التكنولوجيا
شكراً

nody كتب:: لو علي الحكومة يومها بسنة

علي رايك الروتين

و ااااااه من الروتين و تعقيداته

يدينا و يديكي طول العمر

ههههههههه اه والله
الواحد بتمرمط عشان ياخد ورقه رسميه ف اى حاجه ليه من الحكومه حسبى الله ونعم الوكيل
تسلمى نودى منورانى علاطول

dana كتب:: اها علينا احنا نفكر
بس الامكانيات بقى بره ما هى دى المشكلة
اننا بنفكر وغيرنا بيستفيد
تسلم ايدك ايس على التوبيك

والله عندك حق فعلا احنا بنفكر وغيرنا بينفذ بس ف بلده
لا والاصعب بقى ان احنا عقولنا كلها شغاله بره حد يقولى علماءنا فين؟؟ كلهم ف بلاد بره شغالين وبيبنوا حضارات بس مش ليهم ولا لبلادهم لا لليشترى بأكتر
يالا ربنا يصلح الحال
نورتى بجد دانا
تحيااااااااااااااااااتى

ديموس كتب:: الحمد لله مصر بخير
وبجد موضوع جميل
وعلى فكرة مصر بتتطور جامد قوي في التكنولوجيا
شكراً

ميرسيه ليك ديموس
فعلا مصر بتتقدم بس بمبدأ السلاحف
نورت التوبيك
تحياتى

كويس اووووووووووى
بس سوااااااااااااال هاااااااااام

سعر المواصلات الطائره زى الميكروباصات ولا هتغلى شويه؟؟؟؟

اكيد هيزيد طبعاا بس هما يعملوها ويعملوا تاكسى طائر بس وبعد كده نبقى نشوف ايه اللى هيحصل
نورت الموضوع فوكس
تحياتى

» قصة الطائر الذي وقع في حب ورده..............ومات الطائر
» مصر تاسع تصنيف الفيفا لأول مرة
» منتخب مصر يحتل المركز ال 15 عالميا فى التصنيف الشهرى للفيفا لأول مرة فى تاريخه