الصمت حاله..والسكوت ليه ألف حاله..

[ندعوك للتسجيل في المنتدى أو التعريف بنفسك لمعاينة هذا الرابط]
الصوت سكوت والصمت موت
يخرج علينا من كلام عدى البيوت
اوقات يكون جوه التابوت
اوقات صراخ
واوقات حنين
واوقات يفوت
اوقات يكون صمت الكلام
خير الختام
اوقات بيصرخ ف النظام
بس الكلام بيكون ميوت
الصوت سكوت والصمت موت
والهم موت
والضحك وقت الحزن موت
وململين جوه النفوس
حبه كنوز
كنز الكلام
لامم معاه كل الحروف
رغم الظروف
بنلوم عليه
معرفش ليه
قطعين ف كل الالسنه
مستنين نغزل كلام
محطوط ومخنوق مننا
اكمننا
عملين حساب صمت الزمن
سكتنا كل الازمنه
كل السعات مش راح تدور
مهو اصل كلمه صمت زور
حتا الكلام محتاج مرور
اوقات نقول
لوكان كلام الناس دهب
الصمت اوقات يبقا نور
الصمت ممكن يبقا
ميت مليون رساله
الصمت اوقات استحاله
حتا السكوت اوقات نداله
وسعات يكون حاله كسوف
وسعات سكاتها بالف حاله
حاله رضا
حاله هدوووء
حاله متحتجشى لقواله
ممكن يكون الصوت سكوت
والصمت اوقات يبقا موت
بس المهم معش مره بس عاله
الصمت حاله
بردو السكوت ليه الف حاله