يالا نعيشها صح ولو مرة واحده

ومرة تانية رجع رمضان .. وزي كل مرة بنستقبله بفرحة غامرة مالهاش حدود .. <<اعتقد ان مش كلنا بنفرح !!!>>.....

ياترى كام رمضان فات علينا الى الان من يوم مااتولدنا .؟؟؟ ..كتيييييييير مش كده .. بس ياترى كام رمضان طلعنا منه واحنا فارحانين وحاسين اانا انجزنا حاجة وكنا راضيين عن نفسنا فيه ؟؟؟...

ازاي بنستعد لرمضان ؟؟؟ ياترى بالاستعداد اللي يستاهله رمضان ؟؟
ولما العيد بيجي وبنبقى فرحانين وهنطير من الفرحة بنستاهل احنا الفرحة دي .. وزي ماكلنا عارفين ان العيد ده هدية من ربنا لعباده اللي تعبه وصامو وقامو الليل في رمضان ..طيب احنا عملنا ايه في رمضان عشان نستاهل الهدية دي.. ياترى رمضان السنة دي غير كل رمضان ولا زيه زي كل رمضان .. هل احنا حاسيين ان احنا عملنا حاجة جديدة في رمضان السنة دي ولا عايشينه زيه زي أي شهر من شهور السنة مش بيختلف عن غيره ..!!!

واحنا بنعمل ده كله عمرنا ماوقفنا مع نفسنا وقفه وسألنا نفسنا يارتى احنا ضامنين نعيش لرمضان الجاي .. ليه مش يكون ده اخر رمضان لينا ؟؟؟ مش ممكن !!طبعا ممكن ...

شهر رمضان اللي ربنا جعله لنا فرصة عشان يغفر لنا ذنوبنا اللي بنقع فيها طول السنة لا ومش كده بس وكمان بيعتقنا من النار .. ولما كان ربنا رحيم ورؤوف بينا .. قدمنا لنا الوسائل اللي تساعدنا اننا نعيش رمضان صح بدون أي ضغوط .. بأنه صفط الشياطين لأنه يعلم انهم المحرك الرئيسي لبني آدم ليعصو خالقهم ..

طيب دلوقتي بعد ماصفطت الشياطين ليه لسه بعضنا بيعصى ربنا ؟؟

ياترى العيب مننا ولا من الشيطان ..ولا هو عناد ومكابرة وحياة روتينية اتعودنا نعيشها وخلاص ...

طيب ليه مانخليش رمضان نقطة بداية لحياة افضل ..تعالو نغير حياتنا ونغير نفسنا للأفضل .. تعالو مع بعض نعيش رمضان ده وكإنه آخر رمضان لنا .. تعالو نستغل كل لحظة وكل ثانية فيه ونستغلها في طاعة الله وتكون فرصة تقربنا من ربنا اكتر ...

يلا نحط ايدنا في ايد بعض ونعين بعض على طاعة ربنا ..

ارجوكم اتفاعلو مع الموضوع واطرحو مشاريع وكلنا نعملها مع بعض عشان نتشجع .. عايزين بجد لما يجي العيد السنة دي نحس بفرحة غير عشان احنا تعبنا في رمضان ..

مستنية تفاعلكم ..

موضوع رائع ومتألق كعاتك دوما نهله
انا عن نفسى بحاول اخلى رمضان السنه دى غير
ويارب اقدر اكمل
تسلمى على الموضوع والفكره
وانا عندى فكره ممكن تخلينا نتشجع
ان كل يوم نقول احنا خلصنا كام جزء فى القرأن وبكده ممكن تشجعنا
تسلم ايدك ودمتى بخير دوما

EGypt My Love كتب:: موضوع رائع ومتألق كعاتك دوما نهله
انا عن نفسى بحاول اخلى رمضان السنه دى غير
ويارب اقدر اكمل
تسلمى على الموضوع والفكره
وانا عندى فكره ممكن تخلينا نتشجع
ان كل يوم نقول احنا خلصنا كام جزء فى القرأن وبكده ممكن تشجعنا
تسلم ايدك ودمتى بخير دوما

تسلمى بجد ع مرورك وربنا يعينك ان شاء الله وبجد

فكرة حلوة اننا نعين بعض على ختم القران كذا مرة وان شاء الله ننفذها سوا

انا فى انتظار اقتراحات باقى الاعضاء عشان هنخلى الموضوع ده متجدد طول رمضان ان شاء الله