اوكازيون مين يدخل وببلاش

اكازيون بمعني اية ؟!سوال مهم صح ؟
هحكي حكاية صغيرة هتفهم حضرتك معني الاوكازيون لوصحيت مرة من النوم لقيت واحد صاحبك بيقولك انه بكرة عاملين سوق هتتباع فيه كل حاجة ببلاش وهناك بقي اكل وشرب ولحمة ومن كل اللذات ......باللة عليك هتعمل اية ؟قبل ماترد ياريت تفكر دقيقتين .انا عن نفسي
كنت من ساعة لما هيقولي المعلومة الجميله دية هجمع اكبر قدر ممكن من الاكياس جميع الاحجام
(علي راي المثل ابو بلاش كتر منه)
لكن لمل روحت السوق وجدت اربع انواع
1_واحد اخد تفاحة وقعد ياكل فيها طول النهار وخرج بنفس التفاحة فقط
2_واحد تاني اخد في الكيس موزيتين واخد تفاحة وقعد ياكل فيها
3_واحد ثالث اخد 2كيلو لحمة و5كيلو موزوبعدين تعب فاخد الاشياء دية وخرج
4_اما الاخير فهو عارف ان السوق بيجي مرة واحدة في السنة وانه احتمال ميقدرش يجي السنوات القادمة فراح اخد من كل انواع الطعام
والشراب وملاكلما لدية من اكياس وعندما شعر بالتعبتذكر ان اليوم قرب يخلص والاوكازيون بيقفل فكمل الشغل وخرج هو الفائز بكل انواع اللذات

السوال!باللة عليك فين السوق دة؟
طبعا كلكم هتسالو نفس السوال
المفاجاةبقي ان الاوكازيون دة جة ومع ذلك انت لسة معملتش حاجة طبعا عرفت
انا اقصد مين بالسوق (رمضان )
قولي بقي عايز تبقي انهي نوع
ياريت كلنا نكون عايزين نبقي النوع الاخير
بجد ياجماعة عايزاكم تنتهزو فرصة رمضان مش عايزين نعمل اي حاجة تغضب ربنا عايزين نسخر وقتنا كله لله
يعني تحاول تصل السنه وتقرا جزين قران وطول ما انت قاعد تسبح
نمنع التليفزيون بقي احنا عايزين نبقي فايزين
نساعد ماما في الفطار ونعدد النوايا
بمعني يبقي نيتك افطار صائم
مساعدة مامتك ادخال السرورع قلب مسلم
عايزين كل يوم ندخل الصفحة هنا ونقول احنا عملنا الكلام دة
عايزين نحفز بعض ونتسابق ياريت كلنا نشارك ونشوف مين فينا هيكون الاول
بجد انا بحبكم في اللة واسفة اني طولت عليكم

بجد يا نهلة موضوع اكثر من رائع
وان شاء الله ربنا يقدرنا فعلا اننا نعمل الحاجات دى كلها وانا ناوية الحمد لله
جزاكى الله كل خير

بجد تسلى ايدك ع المجهود الرائع
واتمنى منك المزيد فى خيمه رمضان

ربنا يقدرنا ان شاء الله ونخلرج من رمضان ومعانا حسنات كتير

شمس كتب:: بجد يا نهلة موضوع اكثر من رائع
وان شاء الله ربنا يقدرنا فعلا اننا نعمل الحاجات دى كلها وانا ناوية الحمد لله
جزاكى الله كل خير

ربنا يعينك يا شموسه

كل سنه وانتى طيبه يا قمر

نورتى التوبيك

FOXhassan كتب:: بجد تسلى ايدك ع المجهود الرائع
واتمنى منك المزيد فى خيمه رمضان

اسعدنى مرورك بجد

ورمضان كريم

dana كتب:: ربنا يقدرنا ان شاء الله ونخلرج من رمضان ومعانا حسنات كتير

امــــــــــــــــــين يارب احنا والمسلمين جميعا

نورتى دانا اكيد

» عيد ميلاد ملاك المنتدى يلا كل يدخل ويهنى ومحدش يدخل من غير هدايا
» يااااااااخبر رسايل مجانية وببلاش الحق واشترك
» كله يدخل الا السباكين
» محدش يدخل الا المجانين......!!!!
» محدش يدخل الا المجانين......!!!!