♥لذوى الاحســـاس فقـــــــــــط♥

[ندعوك للتسجيل في المنتدى أو التعريف بنفسك لمعاينة هذه الصورة]

الحـــــــــــــــــــــــــــــــــــــــــــب

كلمة تدق القلوب في اي وقت

وفي اي مكان وفي اي
زمان

كلمة لانستطيع العيش بدونها

فاذا وجد الحب وجدت الحنان والطيبه
والامان والعطف

وانعدم مع وجودها الانانيه والكره وحب
الذات

[ندعوك للتسجيل في المنتدى أو التعريف بنفسك لمعاينة هذه الصورة]

كلمة نطقها
الكثيييييييييييييييير من البشر

ولكن هل فعلا شعروا بقيمة هذا الحب

هل استطاعو الحفاظ على هذا الشعور الرائع

هل استطاعو ان يدافعو عن
هذه الكلمة العظيمه

بالرغم من صغر هذي الكلمه ولكنها تحمل معاني
كبيييييييييره

مهما قولنا عن الحب لن نستطيع وصفه لانه ليس كلمة بل احساس
وشعور

[ندعوك للتسجيل في المنتدى أو التعريف بنفسك لمعاينة هذه الصورة]

ونعلم ان الحب غريزه مرتبطه
بالعذاب

فلايوجد حب بدون عذاب لان الحب حلاوته في عذابه اكثر من
راحته

التوبيك هذا مخصوص
لاحاول بقدر المستطاع ان احل المشاكل العاطفيه

اي قلب بيحب ولاقي مشاكل في
حبه او اي قلب بيحب ومش عارف يوصل لحبيبه

او اي قلب بيحب ومجروح من حبيبه

يدخل ويكتب مشكلته وباذن الله هحاول احلها

ونتناقش في مشكلته وان
شاء الله نتوصل لحل

الحب مش عيب ولاحرام عشان نخجل منه بالعكس

ده
احلى حاجه في الوجود

يلا اي قلب عايز تتحل مشكلته في الحب يدخل ويكتب مشكلته
وان شاء الله نلاقيلها حل

وبإذن الله متابع معاكو التوبيك عشان بجد عايز
اريح كل قلب بيحب

miigooo000oooo

[/size]

فكره رائعه قوى يا ميجو
انا الحمد لله معنديش اى مشاكل مع حبيبى
انا حبيت بس اشارك واقولك انه فعلا مع الحب مفيش انانيه ولا حب الذات ولاكره
وانا بقول كده ومتاكده لانى الكلام ده عن تجربه
هو فعلا احساس بالنقاء لانك بتحس انك بتحب كل الناس ومتسامح معاهم واهم حاجه متسامح مع نفسك
وانا لو سمحت ممكن اشارك معاك فى حل المشاكل دى
موضوع جميل فعلا وهيفيد كتييييير
ميسى

missy كتب:: فكره رائعه قوى يا ميجو
انا الحمد لله معنديش اى مشاكل مع حبيبى
انا حبيت بس اشارك واقولك انه فعلا مع الحب مفيش انانيه ولا حب الذات ولاكره
وانا بقول كده ومتاكده لانى الكلام ده عن تجربه
هو فعلا احساس بالنقاء لانك بتحس انك بتحب كل الناس ومتسامح معاهم واهم حاجه متسامح مع نفسك
وانا لو سمحت ممكن اشارك معاك فى حل المشاكل دى
موضوع جميل فعلا وهيفيد كتييييير
ميسى

شكرا لمرورك يا ميسى اولا

وممكن طبعا تشاركى فى حل المشاكل وكلنا هنشارك ان شاء الله

بس اهم حاجه الجرأه فى الحوار وان اى عضو يدخل يتكلم

وان شاء الله نحلها معااه

ويعرف ان عنده اخوات كتير وبتقف جنبه

شكرا ومستنى

توبك اكتر من رائع طبعا يا ميجو

وكالعاده افكار جامده

وانا فعلا عندى مشكله ومش هتحرج منك

عشان انت اخويا وصديقى

وعايزه اشوف رأى باقى الاعضاء بردو

وان شاء الله حاسه انكم هتفيدونى

اكيد ان شاء الله

هنكون عند حسن ظنك ومستنينك تبدأى وتشجعى باقى الاعضاء على النقاش

وان شاء الله هنقدر نفيدك

موضوع مميز ياميجو بجد

مع الاسف لسه محبتش عشان يبقي عندى مشكله او لا

وبحييك بجد على فكرتك الرائعه والجريئه
[ندعوك للتسجيل في المنتدى أو التعريف بنفسك لمعاينة هذه الصورة]

شكرا ليكى يا سفيره بجد

ويارب تلاقى الحب الى تتمنيه ان شاء الله

وان شاء الله تشاركى معانا بردودك وحلولك

واكيد هنستفاد منك بردو

نورتى التوبك

شكرا ليكى

اولا انا مقتنعه جدا
ان الحب ولا عيب ولا حرام

لان لو مفيش حب مش هيبقى فى حياه طبعا

وانا عشان كده مش خفت اعرض مشكلتى عليكم

لانى حسيت انكم اكتر ناس ممكن تساعدونى

لانى مليش اصدقاء فعلا

ومش حايه ان حد ممكن يساعدنى غيركم

وانا هقولك يا ميجو على المشكله

او مش مشكله

هى موضوعات حل فعلا

انا حبيت السنه الى فاتت فعلا

وكان حب حقيقى وواثقه من حبه ليا وكل حاجه

لكن جه السنه دى وشفته واقف فى الكليه مع بنت طول فتره الكليه

اقوله مين دى وكده يقولى صحبتى واختى وكده

لحد ما كل يوم زهقت من الكلام فى الموضوع ده

واتشاكلنا عشان هو ميروحش الكليه وخلاص

عشان امنعه من انه يشوفها

وجيت يوم لقيته جه الكليه من غير ما يعرفنى

لحد الوقتى انا سيباه ومش عارفه اعمل ايه بسبب كدبته عليا دى

وهو بيرن كل يوم ورسايل وانا مش قادره وماسكه نفسى بالقوه

يارب تكون عرفت الموضوع ازاى يا ميجو

وتقدر تساعدنى ان شاء الله

مستنيه ردك ان شاء الله

تمام كلامك يا رومانسيه

بس انتى ليه مثلا مش قولتيله

عرفنى عليها وكده

كنت تحاولى تقربى منهم عشان مثلا تعرفى طبيعه

علاقته بيها

ما علينا الحل دلوقتى ان هو عرف غلطته
وكدب وجه الكليه من غير ما يعرفك

بصى هو مش كدب كدبه جامده يعنى ولا حاجه
هو ممكن يكون غلط فعلا

وكل الناس بتغلط اكيد
بس انتى اتسرعتى فى رد فعلك

انك مش تردى عليه

حاولى تفهمى منه الى حصل

واكيد هو كمان عايز يقول كلام كتير ليكى

اسمعيه وبعد كده احكمى انتى عليه بنفسك

وأكيد 100 % لازم تسامحى يا رومانسيه

لان الى يحب لازم يسامح اكيد

ده من وجه نظرى حل بسيط ومتواضع

لو حد م الاعضاء عنده اى حل تانى ممكن طبعا يقول

ويساعد رومانسيه

وبشكرك على جرأتك وانك تأتمنى اخواتك واصدقائك

على حياتك الشخصيه دى

واتمنى ان كل الاعضاء تشوف الموضوع وتبدأ تعرض المشاكل

شكرا ليكى

واسف ع الاطاله

شكرا بجد يا ميجو على اهتمامك بالرد
وافكارك الى انت عرضتها

بجد انا هعمل زى ما انت قلت كده
لانى فعلا حسيت انى اتسرعت
ربنا يسهل ان شاء الله
ويبقى خير

شكرا ليك
ولو حد من الاعضاء عنده اى حل تانى ممكن اعمله
بس الى عنده حل بجد يقول كمان

وبشكرك مره تانيه

ميرسى ميجو

بصى يا حبيبتى
انا حاسه بيكى والله وعارفه شعورك عامل ازاى
وعارفه كنتى ازاى وانت بتشوفيها واقفه معاه
انا مش قادره اقولك انك غلطانه لان اى تصرف
وقت الغيره بيبقى طايش جدا ومش بنعرف احنا بنتصرف ازاى المهم دلوقتى اننا
نصلح الموقف واهم حاجه انكوا تقعدوا مع بعض وتتكلموا
لان الكلام اكيد هيبقى فيه حاجه هتريحك واكيد هو هيشرحك
مدى علاقتهم بالضبط وانتى طبعا تقوليله انا بدايق لما بشوفك معاها وكده
ده اولا
ثانيا
دى نصيحه منى وعن تجربه والله
ان الراجل مبيحبش اللى تخنقه يعنى تقوله اعمل ومتعملش
يعنى مكنش ينفع انك تقوليله متروحش الكليه طيب ما هو ممكن يكلمها على النت مثلا
او يروح فى يوم من غير ما يقولك وده حصل فعلا زى ما بتقولى
لا مينفعش كده خالص
الحل بقى يا حبيبتى انك كنتى تتعرفى عليها وتبقوا اصحاب كمان
ومن خلال الصحوبيه دى كنتى هتعرفى مقدار العلاقه بالضبط
او حل تانى مثلا انك تقوليله عرفنى عليها وكنتى تشوفى رايه ايه
لو وافق يبقى عادىجدا
وعلى فكره انا حاسه انه بيحبك بجد
لانه كونه بيرن عليكى على طول ورسايل وكده
واكيد من خلال الرسايل حسيتى انه زعلان عشان انتى بعيده عنه
ده بياكد انه بيحبك ومتمسك بيكى
يا ريت تتقبلى كلامى
واتمنى لك التوفيق فى كل حياتك
ياااااااااااااااارب
ميسى

كلامك جميل اوى يا ميسى

وانتى اكتر واحده فعلا تقدر تحس بيها

اكتر منى كمان

وردك عجبنى شخصيا وفعلا كلامك معقول

وياريت الى عنده أى رأى كمان يقول

مستنيكم

thanks miigoo

شكرا على كلامك يا ميسى

وهو فعلا كلام حلو وبشكرك اكتر على اهتمامك بموضوعى

وفعلا انا ناويه اعمل زى ما انتى قلتى يا ميسى ان شاء الله

بشكرك انتى وميجو على اهتمامكم بالموضوع بجد

شكراااااااا

يارب تكونى قدرتى توصلى لحل ما حبيبك

وان شاء الله يبقى خير

وكله يبقى تمام

ومستنى اى مشاكل من اى اعضاء

وان شاء الله نلاقى حلول مع بعض ليها

thxxxxxxxx

ابقى طمنينا عليكى رومانسيه
وربنا يوفقك فى الامتحان والحب ان شاء الله

يالا اكيد منتظرين مشكله تانيه جديده

وان شاء الله هنقدر نحلها مع بعض

مستنى

والله الموضوع عجبنى واحنا متعودين على كدة منك ميجو بس انا لسة معرفش حاجة عن الحب ولا مشاكله بس اكيد جميل وميرسىجدا

موضوعك جميل يا صاحبى
انا بقى عندى مشكله انى بحب لكن مش عارف اقول للى بحبها انى بحبها مع انى بكلمها عادى لكن مش عارف اقولها قولى بقى اعمل ايه يا صاحبى

اقولك على فكره مجنونه
بما انك بتكلمها عادى يعنى
فمفيش مشكله انك تكتب ورقه وتديهالها
وتكتب فيهابحبك وبس
واديهالها وامشى
وصدقنى لو فيه حاجه هى اللى هتكلمك
انما هتفضل ساكت مش هطول حاجه
البنات بتحب الولد الجرئ
فلو انت مجنون زيى اعمل كده
ولو حصل ليا الحلاوه
وشوف راى با قى الاعضاء

بعد اذنك ميجوو بعد اذنك بوب
هقول راي

بص بوب مش لازم تقول لها انك بتحبها في الوقت الحاضر
حسسها اولا انك بتحبها
اجعلها تشعر بحبك لها
جميل انك تحب و لكن الاجمل و الاهم
ان تجعل من تحب يحبك و يشعر بحبك له و يبادلك نفس الشعور
من خلال اهتمامك به و السؤال عنه
وانك تكون صادق المشاعر

بعد ذلك سيكون اعترافك له بحبك سهل

بس لازم تصارحها بحبك لها لتحدد موقفك منها
لان الحب من طرف واحد صعب جداا

ودمت لمن تحب و دامت لك من تحب
و هنيئا لها حبك و قلبك
مع تمنياتي لك بان يملك حبك قلبها و يملؤه

تقبلوا راي المتواضع

والله يا ميسى انا ممكن اعملها بس متعرفيش ممكن يكون رد فعلها يكون ايه بعديها فمنيش عارف
ممكن يكون رد حلو وممكن يكون وحش واخسر صحوبيتها

مهو انا بعمل كده بس انا عايز اعرف بتحبنى زى منا بحبها وهى حست قبل كده بدى
بس انا عاوز اعرف بقى اقولها ولا لا
وشكرا ليكى نودى وعادى مفيش حاجة

بوب ماتخافش من رد الفعل
ولو لا سمح الله ماكانش فى صالحك
وبدات تخسر صحوبيتها حاول تتكلم معاها
وقولها انا كنت اتمنى حبك عشان يزين حياتى
بس لو مرضتيش تزينيها انا بحترم رايك ومش عايز اخسر صداقتنا
وحاول تفهمها انك نسيت الموضوع وتعامل معاها عادى
وبعدين فى تعاملك معاها اهتم بيها فى امور الغيره مثلا او حاول تاخد بالك من لبسها
ولو تعبت كل شويه اطمن عليها وشويه شويه صدقنى هى اللى هتحبك اكتر
وضيف على ده انها هتحترمك قوى كانسان اتخلى عن حبه عشان ميخسرهاش ويفضل جمبها
وبالتوفيق ان شاء الله

والله كلامك صح يا ميسى ان شاء هعمله وهشوف واقولك النتيجة باذن الله